Coconut Oil ke benefits | Jaaniye nariyal tel ke uses

Sharing is caring!

Coconut Oil ke Fayde

 

Aaj hum aapko batayenge Coconut oil ke fayde. Sab log nariyal ke tel  ko hair (baal) mein use karte hain. Kya kabhi kisi ne coconut oil ko skin pe lagaya hai? Ji haan skin mein bhi coconut oil ke bahut se benefits hain. Is article mein main aapke sath share karungi aise hi bahut se uses of coconut oil jis se aapki skin quality aur bhi improve ho jayegi

 

Benefits of Coconut Oil (Nariyal ke tel ke fayde)

  • Skin ko Gora (fair) banaaye – Coconut oil ki help se aap apni skin mein paa sakte ek chamakta hua nikhaar. Isse bas aapko raat ko apne face and neck pe laga ke sona hai. Subah uth ke face wash kar lijiye.

 

  • Dark circles se free ho jaayen – Agar aapko dark circles hain to ye tip aapke bahut kaam aayegi. Barabar quantity mein nariyal ka tel aur almond oil (badaam ka tel) le kar dono ko ache se mix kar le. Isse apne dark circles pe lagaaye hain kuch hi dono mein aap notice karenge ke dark circle kam hone shuru ho gaye hain. Eyes humari body ka sab se sensitive part hoti hain. Dhyan rakhe ke jo coconut oil and almond oil aap use kar rahe hain un mein koi chemicals ya preservatives na ho.

 

  • Sunscreen ka kaam kare – Dhoop mein niklne se pehle agar aap halka sa coconut oil ka massage kar ke chale to aapki skin sun se burn/tan nahi hogi. Nariyal ka tel aapki skin ko ek dum hydrated rakhega and bilkul bhi dry patches skin pe nahi aayenge.

 

  • Make up removal – Hum ladies ko parties mein jana aur tayaar hona bahut pasand hota hai. Par sab se mushkil kaam hota hai party se wapis aa ke makeup remove karna. My dear friends, coconut oil us mein bhi aapki bahut help karega. Aap bas cotton ki ek ball lijiye, usse coconut oil me dip kar ke apne face and neck se poora makeup saaf kijiye. Is se makeup jhat se utar jayega.
  • Coconut oil bacho (kids) ke liye – Chote bacho ki soft skin ko moisturised rakhne ke liye coconut oil bahut hi beneficial hai. Iski khushbu se bache khush rehte hain. Agar bacho ko diaper rash ho rahe hain to bhi ye oil lagaya ja sakta hai. Is se bache ki skin ek dum hydrated rehti hai aur rash nahi hote

 

  • Wrinkle and anti ageing – Agar aapko dar hai ke aapke face pe fine lines aur wrinkles aane start ho rahe hain to aapko coconut oil jarur use karna chahiye. Coconut oil mein 1-2 spoon milk (doodh) mila ke roz apne face pe lagaaye. Isse 10 minutes tak laga ke rakhe aur baad mein face wash kar le. Is tarah se aapki skin ki early ageing band ho jayegi aur aap ek dum glowing dikhenge.

  • Teeth Whitener – Week mein ek baar coconut oil mein baking powder mila ke us se brush kare. Is tarah aapke teeth mein shine aayegi aur aapki smile aur bhi achi ho jayegi

 

  • Stretch marks – Pregnancy ke baad generally har female ke stomach pe stretch marks aa jaate hain. Jo ki bilkul bhi ache nahi dikhte. Coconut oil mein vitamin E oil mix kar ke circular motion mein stomach pe massage karne se stretch marks kaafi hadh tak kam ho jaate hain.
  • Nail lambe karne ke liye – Agar aapko bhi apne haatho ke nails lambe karne ka shauk hai par aapke nails weak hai to aap roz apne nails ka massage coconout oil se kijiye. Is se aapke nails mein chamak bhi aayegi aur wo jaldi tootenge bhi nahi.

 

  • Cracked heels (fati ediaan) – agar aapko crack heels ka problem hai jis wajeh se aap apne feet cover karte rehte hain to aap is tip ko jarur follow kare. Coconut oil mein paraffin wax ko mila kar ache se garam kar le. Fir iske thanda hone ke baad apne feet ke niche lagaaaye and socks daal le. Is se aapke feet ko bahut aaram milega, moisture milega aur dheere dheere saare cracks theek ho jayenge.

 

  • Daag aur nishaan – Agar aapki skin pe kahin bhi jale ka koi nishaan hai ya koi aur daag dhabbe hain. Ye sab bhi coconut oil se kaafi hadh tak light kiye ja sakte hain.

  • Baalo ko jhadne se roke – Jab bhi aapko hair wash karna ho, us se 2 ghante pehle apne baalon mein ache se nariyal tel ki maalish kare. Uske upr se ek towel ko gungune pani mein dip kar ke head par wrap kare. Aise hot towel se coconut oil ache se head ki scalp par lagega aur baal dhone ke baad ek dum shiny ho jayenge and aisa regular karne se hair fall ka problem bhi khatam ho jayega. Aisa aap 15 din mein ek baar kar sakte hain.

App humari Recipes bhi check kar sakte hain. Bahut hi aasan and tasty dishes jo ke minutes mein banayi ja sakti hain.

Youtube par Video dekhne ke liye  CLICK HERE Please click the SUBSCRIBE button and be a part of us 🙂

 

Agar aap apni recipes bhi public ke sath share karna chahte hain to niche diye hue link pe click kijiye

For facebook group CLICK HERE

Sharing is caring!

You may also like...

Leave a Reply

Your email address will not be published. Required fields are marked *

shares