Ganesh Chaturthi | गणेश चतुर्थी की पूजा विधि

Sharing is caring!

Ganesh Chaturthi

Ganesh Chaturthi 2017 ya Vinayak Chaturthi / Vinayaka chavithi ko India mein kya videsh mein bhi manaya jaata hai. Is din ko Ganesh ji ke janmdin ke roop mein manaya jaata hai. Ganesh ji ka janm Bhadrapad mahine ke shukal paksh mein hua tha.

Ganesh Chaturthi Date : 25th August to 05th September 2017

Ganesh Chaturthi

Image Credit

Ganesh Sthapna – 

गणेश चतुर्थी की पूजा विधि

Ganesh chaturthi ke din, log apne ghar mein Ganesh ji laate hain aur unhe sthapit karte hain. Sthapit karne ki vidhi is tarah hai.Ganesh ji ki murat ko aap ek din pehle bhi apne ghar laa sakte hain par ganesh chaturthi tak unko kapde se dhak ke rakhna padega. Jab aap ghar se nikle to apne sath le ke chale :

  • Agarbatti
  • Aarti thali
  • 1 supari
  • 1 paan ka patta
  • Idol ko dhankne(cover) karne ke liye kapda
  • Maachis ( match box)

Lord Ganesha Poojan

Ganesh ji ko ghar laate hue sab zor se Jaikara lagaate hain Ganpati Bappa Morya

  • Ghar ke andar enter hone se pehle kache chawal (rice) ki varsha karo and ghar ke andar jao.
  • Sthapana wale sthaan pe pehle thode chawal, supari, kumkum aur haldi rakhe fir us par Ganesh Ji ke idol ko virajmaan kare.
  • Sath mein ek kalash paani se bhar ke, usmein supari, haldi, kumkum daal ke us ke upar paan ke 5 patte laga ke upar se ek Nariyal (coconut) rakhe.
  • Ganesh Ji ko phal jaise ki kela seb etc. (apples and bananas) aur saath mein phool chadhaayen.
  • Poojan aur Aarti ke baad, Ganesh ji ke manpasand Modak unhe prasad swaroop chadhaayen. Modak ek mithai hai jo chawal ke aate se banti hai.

Ganpati Visarjan

  • Visarjan ke din saare parivaar ke log ek sath ekatrit ho ke pehle ganesh ji ki aarti karte hain and mantro ka jaap karte hain.
  • Agar aap chahte hain ke Ganpati ji agle baras bhi aapke ghar aayen to aisa kaha jata hai ke unke hath mein chawal aur dahi dala jata hai aur sab bolte hain agle baras tum fir se aana.
  • Ganpati ji ka Thank you kiya jata hai apne ghar padhaarne ke liye
  • Unse maafi maangi jaati hai kisi bhi bhool chook ke liye
  • Ek laal rang ke kapde mein aadhe kate sookhe nariyal mein panchanaaj dala jata hai. Isse Ganesh ji ki yatra ke liye unke hath ke sath bandha jata hai.
  • Visarjan ke liye le jaane se pehle unhe poore ghar mein ghumaya jata hai so that unki kripa ghar mein humesha bani rahe
  • Paani mein visarjan karte samay unka mukh aapki taraf rakhna chahiye taaki aap unhe jaate hue dekh sake.
  • Aisa maana jata hai ke Ganpati ji jaate hue aapke saare dukh, kasht, takleefein le jaate hain aur sukh, shaanti, smriddhi de jaate hain.

Eco Friendly Ganesh Murti / Ganesh Statue

  • Jal pradhushan ko dekhte hue aaj kal log paryavaran ke anukool Ganpati ji banaane lage hain. Jo ki ghar mein hi kisi bade matke mein ya tub mein visarjit kiye ja sakte hain.
  • Ye poori tarah paani mein ghul jaate hain and wo paani baad mein garden mein dala ja sakta hai
  • Chiknee mitti yani ki clay ke bane ganpati se pradushan bhi nahi hota aur poojan bhi ache se ho jata.

Sharing is caring!

You may also like...

1 Response

  1. September 5, 2016

    […] Season of festivals has begun. Time to dress up nicely, eat lots of sweets, visit decorated markets, performing rituals, truly these all made us proud of our rich culture. Today is the occasion of Ganesh Chaturthi or Vinayagar Chaturthi. To read the details of this festival CLICK HERE. […]

Leave a Reply

Your email address will not be published. Required fields are marked *

shares